من أنا
- ذكرى الأمل
- رسمت الجميع في لوحات بدأتها بالسواد ثم لونتها حتى صارت بابهى الحٌلاّت فتساءلت بعدها في سٌكات لما لا ارسمني فقابلت نفسي في المرآة وبدأت رسم ملامحي فوجدتها تائهات عجزت عن رسم نفسي فلم اعرف من اكون واليوم فقط اكتشفت ان ملامحي لا تخلو كما كنت اعتقد من الآهات
الثلاثاء، 5 مايو 2015
محاضرات فالاعلام الآلي ~ EXEL ~
السلام عليكم
نضع بين ايديكم محاضرات فالاعلام الالي
بالتخصيص كل ما يخص
EXEL
وهذه بعض المحاضرات الاخرى
Découvrir la notion de tableau croisé dynamique
modules_excel_5_a_7
PerfectionnementExcel2007
محاضرات و دروس ف ~ الاعلام الآلي ~ Acces
دروس فالاعلام الالي
مستوى جامعي
أقدم لكم بعض الدروس الجامعية
ولتي تصلح لجميع المستويات
باعتبارها تصب كلها في تخصص الاعلام الالي بصفة عامة
وفائي لصداقتنا هو الذي سطر هذه الكلمات
حكايتك صديقتي سطرت هذه الحروف
شكون يقول هذا اليوم
الموعود
راح
يجي ويبدد شكوكي ويوريني
شكون
كان يتخيل انوهذا اليوم
راح يهدم واش بنيت ومن
أكبر غلطة يهنيني
شكون قال بلي كلمة وحدة
منك
تحل ابواب التساؤل وعلاجال
أتفه الأسباب تجرحني وتخليني
شكون كان يتصور يجي يوم
نعرف بلي جامي عرفتك
وأنا لنفسي ظلمتها وبظلمك لنفسي زدت ظلمتيني
كلامك معايا ماعندوش سبة
تحكي كأنك ماعرفتيني
كان بيدك ترجع تفكر
وتتدبر
وتشوف حل يرضيك
ومايأذيني
بصح انت خيرت أصعب حل
بعت نفسك وبعت الناس
وعلى جال قلوب باعاتك بعتيني
سقصي عليا وشوف واش تسمع
أنا أخت الرجال ورغبتي
فيك ما تقلل فيني
نحب ربي ونعرف الرسول
ونعرف صلاحي
تمنيتك بيني وبين الخالق
وهذا مايعيب ديني
عمري ماقلتلهم قولو عليا
ولا احكو
كنت ندعي غير ربي
يرزقنيك ويعطيني
جاهدت نفسي ورفضت واش
كانت تطلب
قلت أنا نكره الرجال
ياربي علاه هذا مسَهِّر عيني
أنا لازم ننسى ونعيش
عادي
بصح دعيت ربي رب الكون
الوحيد ألي شاف دموع عيني
اذا كان راح يكون هذا
الانسان ملكي في الحلال
عليه ياربي ماتبعدني ولا
تنسيني
عرفت بلي ربي استجاب ليا
باش يخليني نفهم ويوعيني
ماهوش لازم نبقو مع
الماضي ونبنو عليه ونكملوا معاهم
لازم نجدد بَنْيِي وساس
بَنِينِي
شوفي يا آمة الله خليتك
وخليتوا
بصح خافي يوم لا ينفع
مال ولا بنيني
أبصري وأدركي انوا هذا
الانسان
ماهوش كيما تتخيلي أنا
الخلاق خلقت العباد والشياطين مساجيني
نعرف واش في القلوب والي
يغيب عليك
انا رب الكون والانبياء
والمرسلين
اذا مع كل عيوبو ترضايه
انا رب تواب رحيم
والتائبين يعرفوني
خممت مع نفسي وقلت
يارب الاقدار حقق حلمي
وارضيني
باه نعرف اذا كان انا في
طريق صحيحة
ولا انا في طريق للواد تديني
خممت وطال ليلي بالتخمام
ياخاوتي من السهرة الهم
عياني
قلت مالازمش نكمل هكذا
لازم نلقى حل يهَدّي
ظنوني واحزاني
لكن كي جاء اليوم الي
القلب فيه تكلم
وصلتني خبار تدمي قلبي
وتحرقو دخلاني
ندمت على كل هذا الوقت إلي
بك تعلقت
وقلت ياطفلة احمدي الله
خالق لكواني
عودي لصوابك واقفلي قلبك
وارمي مفتاحو في بحر لايعرفو لا انس لا جاني
قلت الحمد لله الاهم انو
ربي راضي وبرحمتو غمرني ورعاني
ومن بحر الكذب خرجني
ومن سراب الهوى والحب
نجاني
هكذا مايزيد قلبي يهوى
ولا يجرب واش يشعل
نيراني
ولا نعطي قيمة لراجل غير
اخ واب
ولا ننظر في وجه غادر
ذيباني
ربي على باب النار بعدني
ولباب الجنة قادني ودلني
وقصور فيها هداني
عاهدت نفسي اذا عندي
القدرة
مانخلي وحدة تعيش واش
شفت في زماني
ياقلب أسمع واتكلم
أنصح شكون قرر في الهوى
يعيش وحداني
لا حب من طرف واحد ينفع
ولاعمرو طال عمر حب
الطرف الثاني
اسمعني يالقلب العاشق
بالاك تنخلع
من الدنيا وتقول لحب
حكاية نهايتها عسل لؤلؤ ومرجاني
حكايتي كانت هي الصح
وكون تسمع للصح تتلق
لكواني
انا رسالتي توصل كل سامع
ياشاكي في الحب افهم
لمعاني
كنت قادرة نحكي ونفرغ
وعلى معشوقي نبرد غُلي
ونيراني
بصح كي التّوب وتشوف للرب
الفتاح
تقول ياسعدي بالدين والدنيا
وبشكون حماني
نشكي همي لله وللي حاب
يعتبر
يا يما انا رشيت والحب
هو الي رشاني
بصح عمري ماستسلمت ولا
قلت آه
وربي كان معايا ماتركني
لافكاري وزماني
مالقيت لا صاحب لا اخ لا
ام لا من حاب ينصح
كي تفكر تحكي تتذكر واش
راح يكون من القيل والقال والهدرة في الوذاني
توجه للي مايخونك وفي
وعدو مايسمح
استخير الله خالق لكواني
ذرك تعرف رغم الاحزن
والوهن
على نفسك يوخذ بيدك
ويبعد عليك شماتت العدياني
لا توثق في عين ولا في
وذن ولا في فم
ثيق في خالقهم ومانحهم نعمة
للعبد الفاني
باه يستخدمها في الخير
ويفنع ويتنفع
غدر العبد وخرج من ملة
الرحماني
شوف ياسامع الحديث
وياناكر واش تسمع
للولا فضل الله ماراك
تراني
راك حيوان لا مخ لا عقل
لواش تنفع
لولاه راك حشرة في هذا
الزماني
انا خبرتي في الحياة هي
الي تهدر
ماتقولش صغيرة أنا الهم
هو إلي رباني
مانقول على انسان مانسمع
مانآمنش عيني ومانصدقش
وذاني
حتى نعرف انو الي راني
نسمع
جاء من مولاه ماهوش من
واحد ثاني
غير لرب الكون نوثق
ونسرر
من غيرو في الدنيا
غدارين حساد والكل يستناو زلاتي وهواني
ياطفلة غير العالي إلي
يعاونك تاع الصح
ارجعيلو هو إلي يهديك
كيما هداني
ويبعد عليك الخطر ويمنع
عليك الظلم ويبعد عليك
العدياني
وهو شايفاتو بطل يمشي كي
السبع
برحمت الله راني نشوف فيه
مجرد ذكرى على ذنوبي وحزاني
ندعيك كل يوم ياربي اسمع
اغفر الذنوب وفرج
الكروب، ولا تجعل ذنوبي باب العذاب
هو ندعيلو بالخير ونطلب
من ربي يعطيه على قد النية يارب
لا تعطيه على قد ظلمو
ليا سوى كان صادق ولا كذّاب
الاشتراك في:
الرسائل (Atom)